Հայոց լեզու

1. Պահպանված կենդանիների մեջ կան տեսակներ, որոնք աննշան թիվ են կազմում։

Պահպանված կենդանիների մեջ կան աննշան թիվ կազմող տեսակներ։

2. Նա վերջին տիրակալն էր, որ երկրի անտառներում խոշոր կենդանիներ տեսավ։

Նա երկրի անտառներում խոշոր կենդանիներ տեսած վերջին տիրակալն էր։

3. Բինտուրոնգը, որը կառչուն պոչ ունի, շատ յուրօրինակ կենդանի է։

Կառչուն պոչ ունեցող Բինտուրոնգը շատ յուրօրինակ կենդանի է։

4. Չկար կապիտան Բրիգսը և անձնակազմը, որ բաղկացած էր ութ մարդուց։

Չկար կապիտան Բրիգսը եւ ութ մարդուց բաղկացած անձնակազմը

5. Մարդկությանն այդպիսի ապագա է գուշակում օվկիանոսագետ Ժակ Իվ Կուստոն, որը համաշխարհային հռչակ է ձեռք բերել։

Մարդկությանն այդպիսի ապագա է գուշակում համաշխարհային հռչակ ձեռք բերած օվկիանոսագետ Ժակ Իվ Կուստոն։

Պատմություն

Մարտի 30-ապրիլի 3-Հեռավար-առցանց ուսուցում
Տեսակապով քննարկման թեմա՝
Մայիսյան հերոսամարտերը՝
-Սարդարապատի ճակատամարտը
-Բաշ Ապարանի ճակատամարտը
-Ղարաքիլիսայի հերոսամարտը /Դասագիրք, էջ 146-152, նաև այլ աղբյուրներ/.

Բլոգային առաջադրանք.
-Կարդացե՛ք այս փաստաթուղթը և վեր հանե՛ք մայիսյան հերոսամարտերի պատմական նշանակությունը, որտեղ արտահայտված լինի նաև ձեր սեփական կարծիքը:

Առաջին համաշխարհային պատերազմի ժամանակ ռուս-թուրքականը դարձավ ռուս-անդրկովկասյան, իսկ ապրիլի սկզբից դարձավ թուրք-հայկական։ Թուրք-հայկական պատերազմի ընթացքում հայերը համախմբվելուց հետո տարան հաղթանակներ։ Սարդարապատի, Բաշ Ապարանի և Ղարաքիլիսայի հերոսական ճակատամարտերը, Շիրակի և Ջավախքի դիմադրական մարտերը հարստացրին մեր պատմությունը սխրանքներով ու անուններով։ Այս հերոսամարտերի շնորհիվ բնաջնջումից փրկվեց արևելահայությունը, ինչպես նաև Մեծ Եղեռնից ազատված հարյուր հազարավոր արևմտահայեր։ Այդպիսով՝ Մայիսյան հերոսամարտերի պատմական գլխավոր դասը համազգային միաբանությունն է: Դժվարին և օրհասական պայմաններում Մեծ եղեռնի և պատերազմի պատճաոած մարդկային, նյութական և հոգևոր մեծ կորուստներից դեռևս ուշքի չեկած հայությունը կարողացավ ազգովին ինքնակազմակերպվել:

 

Պատմություն

Մարտի 16-20-Առցանց /հեռավար/ ուսուցում
-Հասարակագիտական ստուգատեսի նախապատրաստական աշխատանքներ.
Պատմություն՝
Թեման՝ «Հայաստանը և հայ ժողովուրդը 1-ին աշխարհամարտի տարիներին».
ա/ Համաշխարհային պատերազմի Կովկասյան ճակատը
բ/ Հայ կամավորական շարժումը /Հայոց պատմություն-8, էջ 112-120, նաև այլ աղբյուրներ/.

Առաջադրանք.
-Կարդացե՛ք ստորև ներկայացված ուսումնական նյութերը և ներկայացրե՛ք 1-ին աշխարհամարտին մասնակցած նշանավոր հայերի:
Ուսումնական նյութեր՝
«1-ին աշխարհամարտը և հայերը»
«Հայ ժողովուրդը 1-ին համաշխարհային պատերազմում»

Հայության գերակշիռ մեծամասնությունը մասնակցեց Առաջին համաշխարհային պատերազմին, հայկական կամավորական շարժմանը, որովհետև հուսախաբ էր եղել երիտասարդ թուրքերի խոստումներից և համոզված էր, որ կամավորները կարող էին պաշտպանել արևմտահայերին կոտորածներից։ 1914թ. օգոստոսի 1-ին բռնկված համաշխարհային պատերազմը հայ ժողովրդի մեջ որոշակի հույսեր արթնացրեց՝ Անտանտի անդամ երկրների՝ մասնավորապես՝ Անգլիայի, Ֆրանսիայի և Ռուսաստանի օգնությամբ ազատագրելու Արևմտյան Հայաստանը թուրքական լծից և վերականգնելու պետականությունը: