Рубрика: Վախթանգ Անանյան, Ընթերցարան

Ծովի տղան

Մայիսի մի պարզ ու պայծառ օր, երբ գարնան մռայլ մառախուղներից հետո Սևանի ջրերը առկայծում էին ու ծիծաղում, մենք ջուրը մտանք ռետինե նավակներով ու ցած մեկնեցինք մեր կարթերը: Մեր դիմաց միջնադարյան Այրիվանքն էր թառած ծովափնյա ժայռին՝ իր մամռոտ գմբեթներով, մի այլ ժայռի գագաթին բարձրանում էր Աշոտ Երկաթի հինավուրց ամրոցի մի կիսավեր աշտարակը: Գյուղից հեռու, այդ աշտարակի ստորոտում ժայռերի ու հրաբխային քարակույտերի մեջ ճերմակին էր տալիս մի տնակ: Նրանից մի մարդ դուրս եկավ ու ձայն տվեց մեզ. -Էդտեղ ձուկ չկա, ափ եկեք, ձեզ լավ ձկան տեղ ցույց տամ… Թիավարեցինք դեպի ափ: Մարդը,-հիսունն անց, քամհարված դեմքով մի ձկնորս,-շատ սիրալիր ընդունեց մեզ: -Առաջ գնանք իմ օջախը՝ հաց կերեք, հետո ձկան տեղը ցույց կտամ, — առաջարկեց մարդը: Հրաժարվեցինք: -Եթե ուզում ես մեզ հյուրասիրել, հենց հիմա ցույց տուր մեզ մի տեղ, ուր ձուկն առատ լինի, — ասաց իմ ընկեր Լորիսը՝ կարթը հավաքելով: -Ցույց կտամ, բայց ծովին ծանոթ մարդ է պետք ձեզ հետ, — ասաց ձկնորսը: -Քանի որ, — շարունակեց նա, — մեր Սևանը խենթ բնություն ունի, կարող է խամ մարդկանց վնասել: Որ Սևանն, իրոք «խենթ» է, ես դա իմ փորձով վաղուց գիտեմ, ուստի համաձայնեցինք մարդու առաջարկին: Մեր խոսակցության ընթացքում թշիկները բրոնզագույն, սև աչքերը ծիծաղկոտ մի սիրուն պատանի մոտեցել էր մեզ և ամոթխած հետաքրքրությամբ զննում էր մեր նավակները: -Ալբե՛րտ, սրանց կտանես Պղպղջակները, — պատվիրեց մարդը պատանուն և օգնեց մեզ նավակ նստելու: Մեր փոքրիկ առաջնորդը շատ ամաչկոտ և շատ քչախոս դուրս եկավ: Նա ծնվել ու մեծացել էր այս մենավոր տանը և, ըստ երևույթին, քաղաքից եկած մարդու հազվադեպ էր հանդիպել իր կյանքում: Նավակները թեթև սահում էին լճի անկնճիռ մակերեսին, իսկ զմրուխտ հագնող լեռներից եկող հովը մեղմորեն շոյում էր մեր դեմքերը: Հարցուփորձ արինք և մինչև տեղ հասնելը այդ քչախոս պատանուց հազիվ կարողացանք այսքանն իմանալ, որ սովորում է հարևան Այրիվանի դպրոցի չորրորդ դասարանում և որ իր հայրը կոլտնտեսության որմնադիր Արամ Դադիկյանն է: Ափից շատ չէինք հեռացել, երբ նկատեցինք որ լճի մակերեսը պատած է պղպջակներով: -Ծովի տակից աղբյուրներ են դուրս գալիս, — պատասխանեց մեր հարցին Ալբերտը քաշվելով և ավելացրեց. — Արդեն հասել ենք ձկան տեղը… Եվ մենք, որ դարձել էինք խիստ անհամբեր, իսկույն պատրաստեցինք մեր կարթերը. տեսնենք ինչե՞ր պիտի հանենք փորձված ձկնորսի ցույց տված այս խորքերից… Բայց Արամ Դադիկյանի «ձկնառատ տեղը» ամուլ դուրս եկավ. ամբողջ մի ժամ անցավ՝ կարթերին ձուկ չէր մոտենում: Մինչդեռ շրջապատում մեկ այստեղ, մեկ այնտեղ ջրից վեր են թրչում հաստլիկ կողակներն ու արծաթակող իշխանները, չրմփոցով նորից ցած են ընկնում ու խռովում մեր հոգիները: -Ի՞նչ է պատահել, Ալբերտ, — խոսեցնում եմ ես: -Եղանակը լավ չի, — ցածրաձայն պատասխանեց նա: Ընկերս զարմացած հարցրեց. -Բա սրանից էլ լավ եղանա՞կ. արև, խաղա~ղ… -Խաղաղը լավ չի,- առարկեց Ալբերտը մի փոքր համարձակություն առնելով:- Խաղաղ ժամանակ ձկները ջրի երես են բարձրանում խաղում, կամ՝ մոծակ բռնում… Տեսե՞ք, մոծակի համար է ջրից դուրս թռչում: Հիանալի բացատրություն. մեր կարթերը լճի հատակին են՝ տասնհինգ մետր խորության մեջ, ուր իշխան ձկան «ավլաղներն» են՝ նրանց արոտները: Բայց հիմա նրանք վեր են բարձրացել՝ մայիսյան արևի տակ զվարճանալու: Աժդահակի ձյունոտ բարձրունքից փչեց հողմը, լճի հարթ մակերեսը կնճռոտվեց: Քամին փչեց տարավ ջրի վրա կուտակված մոծակների շեղջերը, արևն էլ մտավ ամպի տակ: Չքացավ դյութիչ արևը. վերացան ճանճ ու մոծակ: Հիմա, որ ձկները կիջնեն հատակը՝ իրենց «ավլաղները», ուր մեր կարթերն են: Եկա~վ… Եկավ առաջին ձուկը՝ թպրտալով, դիմադրելով, պարանով բռնված վայրենի քուռակի նման թափահարելով, դես-դեն նետվելով… Նայում էր մեր փոքրիկ ուղեկիցը մեր խանդավառված դեմքերին, լսում էր մեր բերկրանքի ճիչերը և ներողամտորեն ժպտում: Նրա հայացքի մեջ կարելի էր կարդալ. «Ի~նչ մեծ բան է, որ այդքան ուրախանում եք»: Իրավունք ուներ մեզ հեգնելու այդ փոքրիկ ձկնորսը: Հաջորդ օրը մեզ պատմեցին, որ երեք տարի առաջ ձմեռը նա ծակել է սառույցը, կարթը կախել ու այնպիսի մի ձուկ է բռնել, որ ուժը չի պատել ջրից հանելու: Գնացել է գյուղից մարդիկ կանչել, եկել են ջրից հանել վեց կիլոգրամ կշիռ ունեցող ահռելի «յաբանին»: Ութ տարեկան հասակում այդպիսի ձուկ բռնողն իհարկե հիմա մեզ պիտի նայի արդեն փորձված ձկնորսի աչքով: Քամին դադարեց, նորից ձուկը չքացավ: -Ալբերտ, լսել եմ, որ Նորադուզի կողմը շատ ձուկ կա, չքշե՞նք այն կողմը, -հարցրեց մեր ընկեր Ռենիկը: Տղան նայեց երկնքին ու ոչինչ չպատասխանեց: Խոսեցինք, պարզվեց, որ եթե մեկ կիլոմետր ևս խորանանք, ձուկը կառատանա: Առանց մեր առաջնորդի տատանումները հաշվի առնելու, իմ տաքարյուն ընկերները սկսեցին թիավարել դեպի լճի խորքը: Տղան չդիմադրեց, բայց նրա սև սաթ աչքերի մեջ կարդում էի, որ ափից հեռանալը իր սրտով չի: -Լողալ գիտե՞ք, — հարցրեց ինձ ամաչելով: -Ոչ: Հենց ցած ընկա՝ քարի նման իջնելու եմ հատակը, — ծիծաղելով խոստովանեցի ես: -Դա լավ չի,- կարմրելով դիտեց տղան և Աժդահակի բարձունքը հայացքով քննելուց հետո ավելացրեց, — քիչ հետո բոբոլոզը կգա… -Ո՞վ է բոբոլոզը, — հետաքրքրվեցի ես: Տղան շփոթվեց: -Հիմա կտեսնենք թե ով է բոբոլոզը, — քիչ հետո ասաց նա: Ապա մի փոքր լռելուց հետո ավելացրեց, — ե´տ դառնանք, առաջ գնալը լավ չի… Ի՞նչն է անհանգստացնում այս պարզ ու պայծառ օրը տղային: «Երևի վախենում է երեխան», — մտածեցի ես: Մենք չգիտեինք, որ լճափին մեծացած այդ տղան ոչ միայն երկնքի նշաններից ու քամու ուղղությունից, այլև իր բնազդներով զգում է, թե ինչպես վտանգն անձայն, բայց արագությամբ մոտենում է մեզ: Ես տեսնում էի, թե ինչպես տղան հոտոտում է օդը և դա երևում էր նրա դողդողացող ռունգներից: -Ասացեք առաջ չգնան, — նորից պնդեց նա: Ես ընկերներիս, որ հարևան նավակում էին, պատմեցի տղայի ենթադրությունների մասին: Եվ դա առիթ եղավ, որ կատակի ու ծաղրի նյութ դառնա Ալբերտի ասած բոբոլոզը: Սկսեցին ձեռ առնել տղային: -Բոբոլոզը ե՞րբ է գալու, Ալբերտ: -Բոբոլոզդ ոտով է գալո՞ւ, թե նավով: -Բոբոլոզին կոտոշներ ունի՞… Տղան ամաչելուց այնպես էր շփոթվել, որ չգիտեր գլուխը որտեղ թաքցնի: Բայց Սևանի բնությունն իր զավակին շատ շուտ հանեց անհարմար վիճակից. պտտահողմը ափի ավազներից արշավող սյուներ կազմեց, փոշու մառախուղ բարձրացավ և ամբողջ թափով եկավ մեզ վրա… Խաղաղ լիճը միանգամից ճերմակեց վշշացող ու շառաչող փրփուրներից: Ահռելի հողմի ուժից քշված ալիքներն այնպես էին շտապում դեպի մեզ, որ իրար շալակ էին բարձրանում, նորից լեռնանում, նորից առաջ վազում… Եկան փրփրած բաշերով հասան մեզ և մեր նավակները թեթև տաշեղների նման դես-դեն նետեցին: Այ քեզ բոբոլո~զ… -Խարիսխները գցեցինք,-գոչեցի ես ընկերներիս: Բոբոլոզին խարի՞սխ կդիմանա. պոկեց տարավ և հաջորդ րոպեին ջրի փրփրած դեզերի մեջ մենք կորցրինք իրար: -Քիթը ալիքի կողմը պահի, որ նավակը շուռ չգա, — ամոթխածությունը մի կողմ դնելով, Լորիսին խորհուրդ տվեց մեր պատանի առաջնորդը: — Տո´ւր, թիակներն ինձ տուր, — խնդրում էր նա: Բայց Լորիսը փորձված թիավարող էր և թիակները ոչ ոքի զիջելու մտադրություն չուներ: Համաչափ հարվածներով նա թե´ դիմագրավում էր կատաղի ալիքներին և նրանց խորխորատներից հաջող դուրս բերում նավակը և թե´ նրա ընթացքը ուղղում էր դեպի հեռվում ճերմակին տվող հրվանդանը: Առափնյա գյուղերից բազմություն էր հավաքվել աղետյալներիս դիտելու, բայց մրրիկը մեզ այնքան հեռու էր քշել, որ ափին խռնված մարդիկ մրջյունների չափ էին երևում: Երկար տևեց պայքարը մեր և Ալբերտի ասած «բոբոլոզի» միջև: Վերջապես թշշացող ու եռացող լայնատարած դաշտի մի անկյունում մի սև կետ երևաց, որ արագությամբ մեծանում էր. շրջանի իշխանությունը նավ էր ուղարկել մեզ փրկելու… *** Խե´նթ է, խե´նթ մեր Սևանը: Մեզ սրտաճաք անելուց հետո տես ո~նց է խաղաղվել: Ու, երես առած գեղեցկուհու նման մեկնվել է իր զմրուխտ անկողնակալում, ու նազում է պչրանքով ու այնպես է ձևացնում, թե քիչ առաջվա լաչառը ինքը չէր, — անվայել արարք իսկի իրեն թույլ կտա՞ որ… Նայում է մեզ ամբարտավան դշխուհու հեգնանքով ու մտքում ծիծաղում է մեզ վրա. «Վախկոտնե~ր…»: Մենք թաց շորերով պառկել ենք ափի ավազներին ու հանգստանում ենք մեր կրած սարսափներից հետո: Իսկ արևը~, մայիսյան սքանչելի արևը գորովագութ մոր նման գուրգուրում է մեզ՝ կարծես մեղմելու համար այն տանջանքները, որ կրեցինք կատաղած տարերքից: Նորից այնպես խաղաղ ու մեղմ էր շրջապատում, կարծես փոթորիկն ու մրրիկը անծանոթ բաներ են այդ երկրի համար: -Չնստե՞նք նավակները, — անհամբեր հարցրեց Ռենիկը: -Նստե~նք, — համաձայնեցի ես: — Բայց միայն՝ Ալբերտի թույլտվությամբ… Նախ թող նայի երկնքի նշաններին ու որոշի, հո բոբոլոզն էլ չի՞ գալու… Իմ այս մեծարանքից տղայի թուխ ճակատին քրտինքի կաթիլներ շարվեցին: -Չէ´, էսօր էլ բոբոլոզը չի գա, — ասաց նա՝ Աժդահակի չալ ընկած բարձունքներին նայելով: Եվ մենք պատրաստեցինք մեր կարթերն ու նորից նստեցինք մեր նավակները: Իսկապես որ խենթ է մեր Սևանը: Բայց մենք հո նրանից պակա՞ս խենթ չենք…

Կարծիք

Ես հավանեցի այս պատմվածքը, որովհետև սիրում եմ  Սևանի ափին ապրող մարդկանց:

Հարցեր և պատասխաններ

1.Բացատրել վերնագիրը.

Վերնագիրը կոչվում է <<Ծովի տղան>>, որովհետև տղան ավելի շատ բան գիտեր ծովի մասին, քան ուրիշ ծովահեններ:

 

2.Կարմիր գույնով նշիր քեզ դուր եկած բառակապակցությունները

 

3.Դուրս գրիր հինգ որակական ածական

սև,կատաղի , սիրալիր, փոքրիկ, երկար :

 

Реклама
Рубрика: Մայրենի 2016 2017, Մայրենիի օրեր, Վախթանգ Անանյան, Ես կարողանում եմ, Ընթերցարան

Վախթանգ Անանյան «Որսորդի դատաստանը » — 2

Զորամասը կռվով աոաջ էր գնում։

Ուկրաինական մի գյուղի մոտ շատ դիակներ կային թափթփված։ Քիչ առաջ այստեղ մեծ կռիվ էր տեղի ունեցել։ Մեկը ձյան մեջ արյունտալով քարշ էր գալիս դեպի գյուղի ծայրին մեն–մենակ կանգնած տունը ու անծանոթ լեզվով բղավում։

Որսկանը մոտ գնաց։

Այտա, էս հո Հանեսն ա,— բացականչեց նա զարմացած։

Վիրավորը, մարդուն ճանաչելով՝ սարսափեց։ Հավանաբար մտածեց, որ իր վերջը եկել է։

Աշոտ հե՜յ, ադա Հանեսին գտել եմ, մի դեսն արի է,— գոռաց որսկանը ետ նայելով։ Աշոտը մի վիրավոր կարմիրբանակայինի վերքնէր փաթաթում և գուցե նույնիսկ չլսեց էլ։

Լա՜վ ճանկս ընկար, պարոն Հանես, ես հիմի քեզ տիկ կհանեմ,—փնթփնթաց որսորդը հրացանը լցնելով։

Գերմանացին ձեռքերը վեր տարածած պաղատում էր։

— Հը՜, կաշիդ թանգ ա չէ՞… բա, աննամուս, իսկի մտածում էիր, որ քո պատճառով որսկան Ակոփին բերթ են նստեցնելու։ Ես քո էդսուտ երթում ուտող լեզուդ պետք է քոքահան անեմ։

Ու վրդովված որսորդը սվինը մեկնեց։

Հերմանը հողը լիզում էր ու ինչ-որ բաներ ասում աղաչական ձայնով ու իր թարմ վերքերն էր ցույց տալիս։

«Ասենք, վիրավորին սպանելն էլ մի տղամարդություն չի, օրենքն էլ է արգելում»,— մտածեց Ակոփը և նրա բարկությունն սկսեցհետզհետե իջնել։

«Հիմի արդեն ճանկերիս մեջն է, առաջ անեմ տանեմ»,— մտածեց նա ու հրացանը ետ քաշեց։

Դե լա՛վ, լավ, ղանչանք մի անիլ, չեմ սատկացնիլդուք որ մարդկություն չունեք, գիտեք թե մենք էլ չունե՞նք…

«Յարալու որսը միշտ ջրի վրա է վազում», — հիշեց որսկանն ու ջրամանը դեմ արավ գերմանացուն։

— Ինչ ղալաթ արել ես արել, առ խմիր։

Գերմանացին վախվխելով վերցրեց ջրամանը, գլխին քաշեց ու միանգամից դատարկեց։ Ապա պատյանից դուրս քաշեց ատրճանակնու մեկնեց թե չէ, որսկանը վրա թռավ, խլեց ձեռքից։

Նամա՛րդ, էդ ի՞նչ բանի ես,— գոռաց նա։

«Չէ, սա անպայման զինաթափ էր ըլում… Ես էլ ախմախավարի կարծեցի, թե ուզում ա սպանի…»—մտածեց որսկանը։ Մեղմացավ ուիր վիրավոր գերուն օգնելով, առաջ մղելով գնաց դեպի մոտակա կենտ տունը։

«Խի՞, ո՞վ ա տեսել, որ իրան ջուր տվող, իրա սիրտը հովացնող մարդի արինը թափեն… Չէ՛, իմ աչքիս էսպես երևաց… Բա խ՞ի էրգազազած գելի պես մտիկ անում վրես, հ՞ը…»—տարակուսանքով մտածում էր նա ճանապարհին։

Գյուղամիջից դեռ կրակոցներ էին գալիս։ Այս ու այն տեղ պայթում էին արկերը։

Տանից մի ծեր կին դուրս եկավ։

Այ մեր, մի սրա վերքը կապի, շտաբը տանեմ,— դիմեց կնոջը որսկանը։

Կինն ուսերը տարակուսանքով թոթվեց, ըստ երևույթին Լոռվա բարբառը նրա գիտակցությանը չհասավ։ Բայց գերմանացու վերքըտեսնելով՝ նա ճղճղաց, ձեռքով–ոտքով նշաններ արավ և տան դռները կրնկի վրա բաց անելով՝ ցույց տվեց տան ներսը։ Բնակարանըտակն ու վրա էր արված, ամանեղենը ջարդած, անկողինը, բարձերը գետնին թափթփված,— թալանի թարմ հետքեր։

Լոռեցին հասկացավ։

Այ մեր, հո սա չի արել, սա ի՞նչ անի… յարալու իսան ա, մի շոր բեր փաթաթի

Պառավը հետզհետե հանդարտվեց ու հենց նախասենյակում փաթաթեց զինվորի վերքը։

Որսկանը գոհ սրտով դուրս եկավ տնից և դես ու դեն նայեց։ Բաց դաշտի կողմից մի խումբ գերմանացիներ գրոհում էին գյուղի վրա։Քարե ցանկապատի տակ կարմիր բանակայինները շարված անընդհատ կրակում էին գրոհի եկող խմբերի վրա։ Որսկան Ակոփը պատի տակով կուզեկուզ առաջ վազեց, մի հարմար դիրք բռնեց ու սկսեց կրակել։

Փամփուշտը վերջացավ։ Նա պայուսակից հանեց Լոռուց հիշատակ մնացած միակ «դումդում» փամփուշտը։ Լոռում նա ուներ այդփամփուշտից, արջի որսի համար։ Այդ փամփուշտը նրա հուշերը թարմ էր պահում, իր որսորդական քաղցր օրերի հուշերը»։ Հենցդրա համար էլ Լոռուց բերել էր հետը

Նա փամփուշտը դրեց փողի մեջ ու նշան բռնեց։

«Չէ՛, նամարդություն ա, սրանով մարդի վրա չեն կրակիլ,– մտածեց նա ետ քաշվելով։

Ինչ-որ տեղից մեր գնդացիրները մի ակնթարթում հնձեցին գյուղի վրա գրոհող խմբերին։ Դաշտում կենդանի մարդ չմնաց։

«Յարաբ ի՞նչ էլավ Հանեսը»,— մտածեց որսկանը, դեպի ծանոթ տունը քայլելով։ Գնում էր իր գերուն շտաբը տանի։

Գյուղը կռվով մեր ձեռքն էր անցնում։ Այս ու այնտեղ ծուխ ու բոց երևաց. նահանջող գերմանացիները հրդեհում էին տները։ Ահա բոց էժայթքում նաև ծանոթ տան պատուհանից։

Պա՛հ, ես ձեր անօրեն…— ու մի ծանր հիշոց արձակելով՝ որսկանն առաջ վազեց։

Ծանոթ պառավը լեղապատառ դուրս թռավ տնից ու ճչալով դույլը ձեռքին վազեց դեպի ջրհորը։ Մինչ որսկանը բակը կմտներկինըջրով լիքը դույլը ձեռքին վազեց տուն, որ հրդեհը հանգցնի, բայց հանկարծ շեմքում փռվեց։

Էս ի՞նչ էր, այտա…

Նույն վայրկյանին շեմքում երևաց վիրավոր գերմանացին որևէ տեղից ճանկած մի հրացան ձեռքին։

Որսկան Ակոփի մեջ կարծես մի բան դղրդոցով փուլ եկավ և իր հետ կործանեց, տակով արավ նրա պապենական բարությունը։ Եվլոռեցի որսկանը, որ իր կյանքում ոչ մի մարդու վատություն չէր արել, պայթուցիկ գնդակավոր փամփուշտը հանեց պայուսակից,տենդագին լցրեց հրացանը ու ահարկու ձայնով որոտաց.

Նամա ՜րդ…

Եվ նշան բռնելով՝ ձգանը քաշեց։ Գերմանացու գանգի կտորներն օդը թռան…

— Ձեր բոլորիդ «դում–դում» գյուլլով պետք ա սատկացնելանհոգի, նամարդ օձեր.…— ասում էր որսկանը հատ-հատ, հուզմունքից դողալով։

Հարցեր և առաջադրանքներ

1. Գտի՛ր հոմանիշները  դողալ,հուզմունք, անհոգի, վիրավոր:

դողալ-Ցնցվել

հուզմունք-Ալեկոծություն

անհոգի-Անխիղճ

վիրավոր-Զինահար

 

2. Կարմիր գույնով նշիր քեզ դուր եկած բառակապակցությունները:

 

 

 

 

 

 

 

Рубрика: Հայրենագիտություն, Ընթերցարան, Uncategorized

Լոռի

Lori.svg
Երկիր Հայաստան Հայաստան
Կարգավիճակ մարզ
Մտնում է Հայաստան
Ներառում է Քաղաք՝ 8
Գյուղ՝ 122
Վարչկենտրոն Վանաձոր[1]
Մարզպետ Արթուր Նալբանդյան
Բնակչություն (2002) 392․300[1]
Խտություն 103.5/կմ²
Տարածք 3799 կմ²
Рубрика: Մայրենի 2016 2017, Մայրենիի օրեր, Ես կարողանում եմ, Ընթերցարան

ՄԻ ՆԵՂԱՑՐԵՔ ՄԱՐԴՈՒՆ

Հենց այնպես, առանց պատճառի մի նեղացրեք մարդուն: Դա կարող է շատ վտանգավոր լինել: Իսկ գուցե նա Մոցարտ է: Եվ առավել ևս դեռ ոչինչ չի հասցրել գրել, անգամ իր «Թուրքական քայլերգը»: Դուք նրան կնեղացնեք, և նա այլևս ոչինչ չի գրի: Չի գրի մեկը, ապա մյուսը, և աշխարհում կպակասի հրաշալի երաժշտությունը, կպակասեն լուսավոր մտքերն ու զգացմունքները, և հետևաբար կպակասեն նաև լավ մարդիկ:

Իհարկե, Դուք գուցե մեկ ուրիշին նեղացնեք, չէ՞ որ  ամեն  մարդ Մոցարտ չէ, բայց ամեն դեպքում պետք չէ, իսկ եթե հանկարծ…

Մի նեղացրեք մարդուն, պետք չէ:

Դուք այնպիսին եք, ինչպիսին նա:

Խնայեք իրար, մարդիկ…

Հարցեր և առաջադրանքներ՝

  1. Բառարանի օգնությամբ բացատրիր խնայել բառը:

խնայել-պահպանել:

  1. Ո՞ր իմաստով է օգտագործված տեքստում այս բառը:

Այս տեքստում խնայել բառն օգտագործված է որպես պահել, փայփայել, հարգել և այլն:

  1. Ո՞վ է Մոցարտը; Պատմիր նրա մասին:

Մոցարտը ծնվել է 1756 թվականի հունվարի 27-ին Զալցբուրգում, որն այն ժամանակ Զլասբուգյան արքեպիսկոպոսության մայրաքաղաքն էր (այժմ այդ քաղաքը Ավստրիայի տարածքում է)։Մոցարտի երաժշտական ընդունակություններն ի հայտ եկան շատ վաղ տարիքում, երբ լրացել էր նրա երեք տարեկանը։ 1770-1774 թվականներին Մոցարտը անցկացնում է Իտալիայում։Մոցարտը գրել է 20 դաշնամուրային սոնատ։ Նա նոր տիպի սոնատի հիմնադիրն է։ Իր սոնատներում Մոցարտը օգտագործել է դարին բնորոշ տեխնիկական բոլոր հնարները։ Նա սոնատասիմֆոնիկ ցիկլի զարգացման գործում առաջ անցավ Հայդնից։ Մոցարտը գրել է 41 սիմֆոնիա։ Հատկապես տարածված ու սիրված են նրա վերջին 3 սիմֆոնիաները։ Այս ստեղծագործությունները նախատեսված են եղել 1 երեկոյի ընթացքում կատարելու համար։ Սիմֆոնիաներից ամենատարածվածների շարքում է №40՝ սոլ մինոր սիմֆոնիան։ Այն քնարական է, բաղկացած է 4 մասից, որոնք գրված են դասական սիմֆոնիայի սկզբունքով։Մոցարտի ստեղծագործական այս փուլը սկսվում է երեք կվարտետներով (KV 575, KV 589, KV 590) և ժամանակային առումով նրանց մոտ է «Կվինտետ Շտադլերի համար» կլարնետային ստեղծագործությունը:Մոցարտը  մահացել է դեկտեմբերի 5, 1791 (35 տարեկանում)

 

Рубрика: Մայրենի 2016 2017, Մայրենիի օրեր, Եղիշե Սողոմոնյան (Չարենց), Ես կարողանում եմ, Ընթերցարան, Կարդում ենք

Անքնություն

Դոփո՛ւմ են, դոփո՛ւմ են, դոփո՛ւմ են ձիերը,

Մթի մեջ դոփում են, խփում են պայտերը,

Պայտերը խփում են, խփում են հողին.-

Անծա՜յր է գիշերը, անհայտ է ուղին:

գնո՜ւմ են, գնո՜ւմ են, գնո՜ւմ են ձիերը,

Մոտիկ են, հեռու են, դոփում են պայտերը,

Պայտերը դոփում են քունքի՛ս մեջ հիմա.-

Անհա՜յտ է աշխարհը՝ անցում է ու մահ…

Рубрика: Մայրենի 2016 2017, Մայրենիի օրեր, Եղիշե Սողոմոնյան (Չարենց), Ես կարողանում եմ, Ընթերցարան, Կարդում ենք, Uncategorized

ՏՐԻՈԼԵՏ ԻՆՏԻՄ

Հիմա ամեն ինչ անիմաստ է,
Իզուր այդպես դու շիկնեցիր.
Ինչի՞դ է կյանքը, իր իմաստը,
Հիմա ամեն ինչ անիմա՜ստ է.

Թողել ենք նավը, ղեկը, լաստը,
Իսկ ծովը մո՜ւթ է ու անծիր.—
Հիմա ամե՛ն ինչ անիմաստ է—
Իզո՜ւր այդպես դու շիկնեցիր…

 

 

Рубрика: Մայրենի 2016 2017, Մայրենիի օրեր, Եղիշե Սողոմոնյան (Չարենց), Ես կարողանում եմ, Ընթերցարան, Կարդում ենք

Ինչքան աշխարհը սիրես ու աշխարհով հիանաս

Ինչքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի.
Թե ուզում ես չսուզվել ճահճուտները անհունի —
Պիտի աշխարհը սիրես ու աշխարհով հիանաս:
Այնպե՜ս արա, որ կյանքում ո՜չ մի գանգատ չիմանաս,
Խմի՜ր թախիծը հոգու, որպես հրճվանք ու գինի.
Որքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի…

 

Ես Չարենցի բանաստեղծություններից սիրում եմ սա, քանի որ այստեղ ասում է

Ինչքան աշխարհը սիրես ու աշխարհով հիանաս —
Այնքան աշխարհը անուշ ու ցանկալի կլինի.