Рубрика: Հաշվետվություն

Փետրվար ամսվա հաշվետվություն

Հունվարյան ճամբարից հետո սկսվեցին դասերը: Կարող եմ ասել, որ այս ամիս շատ հագեցած և հետաքրքիր անցավ: Այս ամիս ես առաջին անգամ միացա պատմության ընտրությամբ խմբին, որի համար ընդհանրապես չեմ փոշմանում, քանի որ արդեն մի քանի հանդիպման եմ մասնակցել: Այստեղ կարող եք ծանոթանալ պատմության ընտրությամբ խմբի բաժնին: Ինչպես նախորդ ամիսներին, այս ամիս նույնպես հայոց լեզվի քերականության դասընթացից հետաքրքիր աշխատանքներ և նախագծեր եմ կատարել: Այս ամիս Տերյանական և Թումանյանական օրեր էին, ուստի գրականությունից կարդացել ենք Տերյան և Թումանյան: Ինչպես նշեցի, այս ամիս մասնակցել եմ մի քանի հանդիպում-քննարկումների, որոնցից ամենահետաքրքիրը կարծում եմ, որ Թումանյանի հեքիաթներն ու պատերազմներն էր, որը հետաքրքիր էր այնքանով, որ արդիական թեմա էր։ Կարծում եմ, որ այս աշխատանքներն էին այս տարվա կարևոր իրադարձությունները։

Рубрика: Հաշվետվություն

Տարվա ամփոփում

Շուտով կավարտվի 2021 թվականը, իսկ դա նշանակում է, որ պետք է ափոփել տարին՝ իր ձեռքբերումներով։ Արդեն 4 ամիս է, ինչ 10-րդ դասարան եմ և կարող եմ միայն ասել, որ այս տարին լի էր տարբեր նվաճումներով, ծանոթություններով, բարդություններով․․․

Իսկ այժմ, անցնենք ամփոփման.

Այս տարի հնարավորություն ունեցա ընտրել 3 առարկա։ Դրանք են՝ հայոց լեզվի քերականությունը, վրացերենը և անգլերենը։ Հայոց լեզվի քերականության ամփոփման մասին կարող եք կարդալ այստեղ: Այս տարի ես սկսել եմ էլ ավելի լավ սովորել, և դա ինձ մոտ ստացվում է։ Եթե առաջ ես պատմություն առարկայի մեջ այդքան էլ հետաքրքրված չէի, ապա այս տարի սկսել եմ հաճույքով սովորել պատմություն առարկան։ Հետաքրքրություն է մտել նաև մաթեմատիկա առարկան, քանի որ այն խորացված չէ, և պարզվում է, որ մաթեմատիկա առարկան այդքան էլ բարդ չէ։ Մեկ տարի առաջ անգլերեն ամաչելով էի խոսում, քանի որ կարծում էի, որ շատ սխալներ թույլ կտամ, բայց այս տարի խոսում եմ առանց կաշկանդվելու, հստակ և սահուն։ Էկոլոգիա առարկայի շնորհիվ կարողացանք պարզել, թե օրական որքան ջուր ենք օգտագործում։ Իհարկե, ցուցանիշները տարբեր են։ Հասարակագիտություն առարկան տարբեր դասավանդողներ են տալիս, ուստի անցնում ենք տարբեր բաներ, օրինակ՝ ընկեր Սամվելի դասաժամին խոսում ենք հոգեբանական թեմաների շուրջ, իսկ ընկեր Դիանայի դասաժամերին՝ մարդկանց բնավորությունից և տարբեր իրավիճակներից։ Վրացերեն լեզվից կատարել եմ նախագիծ՝ Տարածաշրջանային լեզուները որպես մասնագիտական կողմնորոշման ուղղություն։ Գրականություն և հայոց լեզու առարկաներից կարդացել եմ Ջորջ Օուրելի <<Անասնաֆերմա>> գիրքը, որի մասին վերլուծություն կարող եք կարդալ այստեղ։ Մեծ ձեռքբերում եղավ նաև ճամփորդությունները դեպի Թռչկանի ջրվեժ, Գյումրի և Հրազդանի կիրճ՝ աշնանային քայլք, որոնց ընթացքում համոզվեցի, որ Հայաստանը ուղղակի չքնաղ է։ Ճամփորդությունների ընթացքում ձեռք բերեցի ընկերներ, տարբեր արկածներ, ուրախ ժամանակ։ Ճամփորդություններին կարող եք ծանոթանալ այստեղ՝ Թռչկան, Գյումրի, Աշնանային քայլք։ Դե ինչ, այսքանով ավարտվեց իմ ուսումնական տարվա առաջին կիսամյակի ամփոփումը։ Հուսով եմ, որ մյուս տարի կաշխատեմ էլ ավելի ջանասիրաբար և կհասնեմ նորանոր հաջողությունների․․․

Рубрика: Հաշվետվություն, Uncategorized

Հաշվետվություն

Ես առավոտյան արթնանում եմ զարթուցիչիս շնորհիվ։ Հագնվում եմ, նախաճաշում եմ, մի փոքր հանգստանում եմ, և անցում եմ դասերիս։ Դասերս սկսվում են բավականին շուտ, և ես ստիպված եմ լինում արթնանալ շատ շուտ։ Դասերիցս հետո հանգստանում եմ, քույրիկիս հետ զբաղվում եմ նկարչությամբ։ Հետո անցնում եմ անգլերենի պարապմունքիս, որը իրականացնում եմ Whatsapp ծրագրի շնորհիվ։ Տանը նաև զբաղվում եմ ինքնակրթությամբ, կարդում եմ գրքեր։ Ներկա պահին կարդում եմ <<Խաչագողի Հիշատակարանը>>, որը գրել է Րաֆֆին։ Հետո ես անցնում եմ մարզվելուն, մարզական ժամս երեկոյան 8-ից շուտ չի լինում։ Ազատ ժամանակ ցավոք չեմ ունենում, որովհետև օրս անկացնում եմ դասերս անելով։ Տունը չեմ խաղում խաղեր հիմնականում դիտում եմ Орел и Решка հաղորդումը, որը շաատ հետաքրքիր հաղորդում է, խորհուրդ եմ տալիս։ Նաև երբ ազատ ժամանակ եմ ունենում դիտում եմ տարբեր ֆիլմեր, օրինակ վերջերս դիտել եմ մի հիանալի ֆիլմ անունը ՝ Клаустрафобы: Այս ֆիլմը արկածասեր մարդկանց համար է։ 

Рубрика: Հաշվետվություն, Uncategorized

Եռօրյա ճամփորդություն դեպի Գյումրի

I օր

Երկուշաբթի օրը մեզ համար շատ սպասված օր է եղել, մենք գնում էինք Գյումրի: Երկուշաբթի օրը մենք հավաքվեցինք մայր դպրոցի երթուղայինների մոտ և շարժվեցինք դեպի Գյումրի: Ճանապարհին կանգ առանք և նախաճաշեցինք, որովհետև շատ սոված էինք: Երբ հասանք Գյումրի գնացինք յոթ վերք եկեղեցին: Մենք այնտեղ տեսանք այն գմբեթը, որը երկրաշարժից մինչև հիմա մնացել էր: Մտանք եկեղեցի, արտասանեցինք <<Հայր մեր>>-ը, մոմ վառեցինք և դուրս եկանք եկեղեցուց: Հետո Վարդանանց հրապարակի մոտ նկարվեցինք և գնացինք Կապսի ձոր ռեզորթ: Հասանք տեղավորվեցինք հյուրատանը: Մի քիչ հանգստացանք և գնացինք ճոճվող կամուրջը նստելու: Այդ կամուրջը կոչվում էր ճոճվող, որովհետև երբ նստում ես կամուրջ այնտեղի աշխատողները սկսում են կամուրջի վրա թռնել, ոովհետև այդպես շատ հետաքրքիր է: Հետո գնացինք ընթրեցինք, հեռուստացույց դիտեցինք մի քիչ ուրախացանք և ընկեր Անահիտին և Ընկեր Իվետային կանչեցինք միասին տաք շոկոլադ խմելու և հեռուստացույց դիտելու, իսկ հետո գնացինք քնելու:

 

II օր

Երկրորդ օրը արթնացանք շատ շուտ, լվացվեցինք, հագնվեցինք և իջանք դուրս մարզանք անելու: Մարզանքից  հետո խաղացինք խաղեր, որից հետո մրցույթ արեցինք, որ տեսնեինք թե ով էր ամենաարագավազը, աղջիկներից Լիլիթն էր, իսկ տղաներից Արմենը: Հետո գնացինք նախաճաշելու, նախաճաշելուց հետո գնացինք Zip-line քշելու: Բայց մենք չքշեցինք, որովհետև վախենում էինք: Հետո տղաներին հրավիրեցինք մեր սենյակ UNO խաղալու: Մինչ խաղալը ծանոթացանք տղաների հետ, անգամ պատկերացում չունեի, որ այդպիսի լավ մարդկանց հետ գնում եմ ճամփորդության: Խաղալուց հետո գնացինք մատուռ, որտեղ արտասանեցինք <<Հայր մեր>>-ը: Հետո ձնագնդիկ խաղացինք և գնացինք սենյակ UNO և Դե խաղա խաղալու: Խաղալուց հետո գնացինք ընթրիքի և պատրաստվեցինք այդ օրվա ֆուտբոլին: Խաղին մասնակցելու էր Հայաստանը և Ֆինլանդիան: Մինչ խաղի սկսվելը մենք տղաների հետ գնացինք մեն-մենակ ման գալու: Հետո, երբ արդեն խաղը սկսվեց մենք տղաներին կանչեցինք, որպեսզի միասին դիտենք խաղը: Ինչպես միշտ խաղում պարտվեցինք մենք 2:0 հաշվով օգուտ Ֆինլանդիային: Հետո դիտեցինք Մահվան ջոկատը սերիալը և գնացինք քնելու:

 

III օր

Երրորդ օրը սկսեցինք շաաաատ ուրախ: Մենք 6-րդ դասարանի Լիլիթին պաստել էինք: Հետո գնացինք նախաճաշելու, որից հետո մենք գնացինք մեր սենյակ և պատրաստեցինք ճամպրուկները: Ցավոք այդ օրը մենք ժամանակ չունեցանք UNO և դե խաղա խաղալու: Մենք նստեցինք ավտոբուս և շարժվեցինք: Ճանապարհին կանգնեցինք և հաց կերանք, ապա նստեցինք ավտոբուս և շարժվեցինք: Ճանապարհին խաղալով սելֆիներ անելով գնացինք: Ճիշտ է մենք չէինք ուզում գնալ, ուզում էինք մնալ, բայց դե… Ճանապարհին տղաների հետ շփվեցինք, և խաղացինք: Գնացինք  Հայոց այբուբենի հուշարձան: Այնտեղ շատ ցեխոտ էր: Մեր կոշիկները ամբողջովին կեղտոտվել էին, չնայած դա մեզ չէր խանգարում ուրախանալ: Հետո մենք նստեցինք ավտոբուս և գնացինք մայր դպրոցի երթուղայինների մոտ և նույնիսկ չնկատեցինք, թե ինչպես անցավ ժամանակը : Շատ շնորհակալ ենք ընկեր Անահիտից և ընկեր Իվետայից նման հրաշք ճամբար կազմակերպելու համար:

Նկարները ներքևում

Это слайд-шоу требует JavaScript.

 

Рубрика: Հաշվետվություն, Նախագծային շաբաթ, Uncategorized

Ճամփորդություն դեպի Ոսկեհատ

Մենք այսօր գնացել էին Ոսկեհատ: Սկզբում մենք նստեցինք ավտոբուս և շարժվեցինք: Ճանապարհին սուջուխ կերանք և խաղացինք 21: Կանգնեցինք Ոսկեհատ գյուղի Խրիմյան Հայրիկի անվան միջնակարգ դպրոցում: Այնտեղ 3 տղա եկան մեզ հետ և մեզ ուղեկցեցին: Շատ հետաքրքիր էր և շատ հաճելի էր դիտել այդ տեսարանները: Գնացինք և հասանք մի տեղ, որը շատ նման էր ամրոցի, այն սկզբից կլոր էր երևում, բայց երբ դիմացից նայեցինք, տեսանք, որ կլոր չէ: Գնացինք՝ ճանապարհին ուրախանալով և խաղալով: Սկզբում մենք մի զառիվեր բարձրացանք, հետո գնացինք և մտանք մի տեղ, որտեղ վերևը բաց էր: Մենք հետո գնացինք մեծ ֆուտբոլի դաշտ, որտեղ հանգստացանք, լիքը խաղացինք և տեսանք քարերից մեկի վրա նկար, որը ցույց էր տալիս, որ եղնիկի հետևից հովազ էր ընկել: Քանի որ ֆուտբոլի ժամը սկսվեց, մենք գնացինք և դիտեցինք ֆուտբոլը: Ֆուտբոլը ավարտվեց 5:0 հաշվով՝ օգուտ Ոսկեհատի երեխաներին: Մենք այդքան էլ չտխրեցինք, հակառակը, մենք նրանց հրավիրեցինք մեր դպրոց՝ ֆուտբոլ խաղալու: Այդպես գնացինք նստեցինք ավտոբուս և շարժվեցինք դեպի դպրոց:))

Это слайд-шоу требует JavaScript.

Рубрика: Հաշվետվություն, Uncategorized

ՈՒՍՈՒՄՆԱԿԱՆ ԱՌԱՋԻՆ ՇՐՋԱՆԻ ԱՄՓՈՓՄԱՆ ՆԱԽԱԳԾԵՐ

1.
Ուսումնական առաջին շրջանում սովորողի ուսումնական գործունեության  ամփոփում
4.
  • Սովորողի մարզական գործունեության գնահատումը

Ես ընտրել եմ մարզական գործունեությունս սեղանի թենիս: Դժվարություններ առաջին անգամ ունեցել եմ առաջին դասի ժամանակ, իսկ հիմա կարողանում եմ խաղալ: Այս չորս ամսվա ընթացքում բացակայություններ չեմ ունեցել: