Շուտով կավարտվի 2022 թվականը, ինչը նշանակում է, որ պետք է ամփոփել առաջին ուս․ շրջանը՝ իր ձեռքբերումներով։ Այս չորս ամիսների ընթացքում բավականին նախագծեր եմ իրականացրել, սկսել եմ հետազոտական աշխատանք գրել, ինչը նորություն էր ինձ համար (շուտով առաջին գլուխը կավարտեմ)։ Իհարկե, այս տարի բոլոր առարկաները շատ բաներ տվեցին ինձ, բայց կցանկանայի ներկայացնել ամենահետաքրքիր և ամենաստացվածները։
Ամենաշատ նախագծերը իրականացրել եմ <<Պատմության ընտրությամբ դասընթաց>>-ի շրջանակներում, իսկ բաժնին կարող եք ծանոթանալ այստեղ: Մասնակցել եմ ճամփորդությունների, արտագնա պարապմունքների։ Վերջերս անգլերենի խմբով կատարեցինք բանավեճ՝ <<Ընկերություն տղայի և աղջկա միջև չի կարող լինել>>` “There is no friendship between men and women” թեմայով։ Բավականին բուռն քննարկում ստացվեց․․․ Դեռ անցած տարվանից սկսել էինք ռադիո նախագիծ, որի նպատակն էր հմտացնել անգլերեն խոսքը, ինչը, կարծում եմ, շատերի մոտ ստացվեց։ Ահա այս տարվա ռադիոյի թեման՝ Mental health։
Հանդիպումները և կլոր սեղանները ամենակարևոր բաղադրիչներն են, որոնց փորձում եմ չանտեսել։ Մասնակցել եմ հրավիրյալ մասնագետների հետ հանդիպումների, կլոր սեղանների, և շարունակելու ենք այդպիսի օգտակար կազմակերպումներ իրականացնել, որոնք սովորողներին միայն օգտակար գիտելիքներ են տալու։
Գրականություն առարկայից այս տարի շատ-շատ ենք ընթերցել հայ գրողների․ ամենաշատը տպավորվեց Հակոբ Պարոնյանի <<Մեծապատիվ մուրացկաններ>> վեպը, որի վերլուծությանը կարող եք ծանոթանալ ստորև։
Պատմություն, հայոց լեզու, քաղաքագիտություն, էկոլոգիա, իրավունք և մաթեմատիկա առարկաներն այս տարի սկսեցի էլ ավելի լավ ուսումնասիրել և սովորել։
Նորություն էր նաև արվեստ առարկան՝ իր հետաքրքիր քննարկումներով։ Անկեղծ ասած, արվեստին ոչ այդքան մոտ մարդ եմ, ուստի շատ ձեռքբերումներ չունեցա, բայց ինձ հետաքրքրող քննարկումներ նույնպես ունեցանք։ Բաժնիս կարող եք ծանոթանալ այստեղ։
Ամփոփելով խոսքս նշեմ, որ ընթերցանությունը այս տարի դարձավ իմ տարերքը։ Մի քանի ամիս առաջ բացեցի բաժին, որտեղ վերլուծում եմ կարդացածս գրքերը, իսկ եթե հետաքրքրեց, ապա սեղմիր այստեղ։
Ահա այսքանն էին իմ կատարած աշխատանքները։ Կարծում եմ՝ լավ հագեցած տարի ունեցա։ Դե ինչ, կհանդիպենք հաջորդ տարի․․․
- Գեղարոտի ջրվեժի հետքերով
- Հանդիպում պետական գործիչ Արամ Մանուկյանի հետ
- Սիրադեղյանական օրեր
- «Վանո Սիրադեղյան քաղաքական, պետական, հասարակական գործիչը» խորագրով կլոր սեղան. լուսաբանում
- Հանդիպում քարտեզագետ Ռուբեն Գալիչյանի հետ
- Պեղումներ և բացահայտումներ Կարմիր բլրում
- Միջազգային գիտաժողով ԳԱԱ Պատմության ինստիտուտում
- Այս անգամ էլ Հայաստանի պատմության թանգարանում
- <<Մեծապատիվ մուրացկանները>>
- “There is no friendship between men and women”
Անահիտ Հովսեփյան 